Акафист Пресвятой Богородице перед иконой Феодоровская

Каждую субботу в нашем храме, после Божественной Литургии, совершается молебен с чтением Акафиста Пресвятой Богородице перед иконой Феодоровская.

Этот год объявлен в России годом семьи, а Феодоровская икона Божией Матери издавна почитается верующими не только как чудотворная, но и как особенно покровительствующая семейному благополучию, рождению и воспитанию детей, помогающая в трудных родах. С ней связаны многие чудеса и дивные явления.

Судьба чудотворного образа Икона Богородицы Феодоровская тесно переплетена с судьбами России, ибо Феодоровская была родовой иконой дома Романовых.

Сама икона, по преданию написанная апостолом и евангелистом Лукою, была обретена святым благоверным князем Георгием Всеволодовичем в часовне близ волжского Городца. В середине XII века на месте обретения был основан Феодоровский Городецкий монастырь, где и хранилась святыня. Но когда войска Батыя разорили и сожгли древний Городец, все его жители бежали из этих мест, и считалось, что икона погибла в огне пожара.

Но 16 августа 1239 года костромской князь Василий Георгиевич во время охоты обнаружил в лесу висящую на сосне икону. Это и была пропавшая Городецкая святыня. Князь попытался снять ее, но образ поднялся в воздух. Днем ранее костромичи узрели дивное видение: они увидели, как икону нес по городу светлый муж в богатых воинских одеждах. Был сей муж очень похож на святого великомученика Феодора Стратилата, как изображается он на иконах. Только когда костромичи, узнав о чуде, пришли к этому месту крестным ходом и отслужили молебен, икону смогли снять с сосны. Чудесное видение благочестивых граждан Костромы, а также соборный храм во имя великомученика Феодора Стратилата, в котором икона поставлена, дали повод наименовать обретенную князем икону Богоматери Феодоровской.

 Кондак 1

Взбра́нней Воево́де, Пренепоро́чней Де́ве Бо­го­ро́­ди­це, За­сту́п­ни­це на́­шей и Предста́тельству хри­сти­а́н непосты́дному, яв­ле́­ни­ем чу́д­ныя ико́­ны Своея́ ра́­до­ва­ние пода́вшей земле́ Рос­си́й­стей и вся ве́р­ная ча́­да Це́рк­ве просвети́вшей, благодаре́ние усе́рд­но при­но́­сим Ти, Бо­го­ро́­ди­це, и при­па́­даю­ще пречу́дному о́б­ра­зу Тво­ему́, уми́ль­но гла­го́­лем: спа­си́, Гос­по­же́, и по­ми́­луй ра­бы́ Твоя́, зову́щия:

Ра́­дуй­ся, Ма́­терь Бо́­жия, Предста́тельнице и За­сту́п­ни­це на́­ша усе́рд­ная.

Икос 1

Ар­ха́н­гел Гаврии́л от Бо́­га по́с­лан бысть во град Назаре́т ко Пре­чи́с­тей Де́ве Ма­ри́и, и вшед к Ней ре­че́: Ра́­дуй­ся, Бла­го­да́т­ная, Гос­по́дь с То­бо́ю, благослове́нна Ты в же­на́х. Арха́нгельскому гла́су подража́юще, и мы, гре́ш­нии, ра́­дос­ти и благодаре́ния в се́рд­це сво­е́м ис­по́л­не­ни, пред явле́нным о́б­ра­зом Тво­и́м благохвале́ния на́­ша возноси́ти к Те­бе́ дерза́ем, Пре­свя­та́я Бо­го­ро́­ди­це:

Ра́­дуй­ся, о́трасле от ко́рене Дави́дова бла­го­сло­ве́н­ная; ра́­дуй­ся, обе́том роди́телей в же́ртву Бо́­гу принесе́нная.

Ра́­дуй­ся, свя­ты́х пра́­вед­ных Иоаки́ма и А́нны Дщи Богода́нная; ра́­дуй­ся, трие́х лет во храм Бо́­жий введе́нная и та́­мо воспита́нная.

Ра́­дуй­ся, та́­мо смире́нием и чис­то­то́ю всех удиви́вшая; ра́­дуй­ся, та́­мо арха́нгельския бесе́ды сподо́бльшаяся.

Ра́­дуй­ся, Де́­во, о зача́тии Бо́­га Сло́ва благове́стие во смире́нии прии́мшая; ра́­дуй­ся, избра́нная От­ро­ко­ви́­це, к зача́тию Бо́­га Сло́ва си́­лою свы́­ше осе­не́н­ная.

Ра́­дуй­ся, та́й­ну воплоще́ния Сы́­на Бо́­жия, от ве­ко́в в Бо́­зе со­кро­ве́н­ную, откры́вшая; ра́­дуй­ся, А́гнице, ро́жд­шая А́гнца Хри­ста́, взе́мшаго гре­хи́ ми́­ра.

Ра́­дуй­ся, То­бо́ю бо избавля́емся мук а́до­вых; ра́­дуй­ся, То­бо́ю бо спо­до­бля́ем­ся ве́ч­ныя жи́з­ни.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

Кондак 2

Ви́­дя ико́­ну Твою́, Пре­свя­та́я Де́­во, на дре́­ве стоя́щу, князь благочести́вый Костромски́й у́жасом мно́гим содрога́шеся недоуме́я, что бысть ви́дение сие́. Хо­тя́­щу же ему́ прия́ти ю́ и от се­го́ свы́­ше уде́ржану ему́ бы́в­шу, не можа́ше; уве́­дев, я́ко чу́дно есть ико́­ны тоя́ яв­ле́­ние, воззва́ к Бо́­гу: Алли­лу́иа.

Икос 2

Ра́­зу­мом жела́я ра­зу­ме́­ти князь благочести́вый прише́ствие пречу́днаго Тво­его́ о́браза во град Кострому́, Бо­го­ро́­ди­це, ду­ше́ю ра́дования преиспо́лненною се­бе́ предаде́ води́тельству Бо́­жию, и прекло́нь коле́на, со стра́­хом во­пия́­ше Те­бе́:

Ра́­дуй­ся, Де́­во, я́вльшая о́б­раз Свой чу́дно; ра́­дуй­ся, Бла­го­сло­ве́н­ная, в яв­ле́­нии о́браза Сво­его́ ми­ло­се́р­дие нам яв­ля́ю­щая.

Ра́­дуй­ся, о всех чту́­щих Сы́­на Тво­его́ промышля́ющая; ра́­дуй­ся, всем про­ся́­щим у Те­бе́ да́ры, в ме́ру ве́­ры, ко спа­се́­нию по­даю́­щая.

Ра́­дуй­ся, путь и́с­ти­ны заблу́дшим показу́ющая; ра́­дуй­ся, к го́рнему ми́­ру чу­де­сы́ Тво­и́ми ум наш возводя́щая.

Ра́­дуй­ся, смуще́ния по­мыш­ле́­ний су­мни́­тель­ных удаля́ющая; ра́­дуй­ся, сла́вящих Тя всег­да́ про­слав­ля́ю­щая.

Ра́­дуй­ся, чис­то­то́ю Твое́ю чис­то­те́ нас науча́ющая; ра́­дуй­ся, чис­то­то́ю Твое́ю нечистоту́ на́­шу об­ли­ча́ю­щая.

Ра́­дуй­ся, мо­ле́­ния на́­ша при­е́м­лю­щая; ра́­дуй­ся, рыда́ний и слез не отмета́ющая.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

 

 

Кондак 3

Си́­лу Бо́­жию благочести́вый князь по­зна́в в восхожде́нии о́браза чу́днаго Тво­его́, Бо­го­ма́­ти, в яв­ле́­нии же ви́­дев ми­ло­се́р­дие Твое́ ко всем спа­се́­ние хотя́щим получи́ти, ре­че́: Алли­лу́иа.

Икос 3

Име́в по́мысл стяжа́ти да́руемое Не­бе́с­ное со­кро́­ви­ще, лик Твой све́тлый, Бо­го­ма́­ти, второ́е простре́ дер­жа́в­ный ру­ку́ к о́б­ра­зу нисше́дшему; уз­ре́в же па́­ки его́ восхожде́ние, ско́ро по́йде во град и пове́да о бы́вших ему́ освяще́нному собо́ру, да прише́дше и ви́­дя­ще ико́­ны Твоея́ яв­ле́­ние возопию́т с ним ве́рнии:

Ра́­дуй­ся, Ца­ри́­це Не­бе­се́ и зем­ли́; ра́­дуй­ся, Престо́ле Ца­ря́ ца́рст­вую­щих.

Ра́­дуй­ся, Пренепоро́чная Де́­во; ра́­дуй­ся, Ма́­ти Непристу́пнаго Све́­та.

Ра́­дуй­ся, чест­не́й­шая Хе­ру­ви́м; ра́­дуй­ся, сла́внейшая без срав­не́­ния Се­ра­фи́м.

Ра́­дуй­ся, Небе́сными Си́лами велича́емая; ра́­дуй­ся, от всех земноро́дных ублажа́емая.

Ра́­дуй­ся, не­из­ре­че́н­ное Ве­се́­лие А́н­ге­лов; ра́­дуй­ся, Ве́н­че ца́рственный всех про­ро́­ков и апо́с­то­лов.

Ра́­дуй­ся, пра­во­сла́­вия Хри­сто́­вы Це́рк­ве ог­раж­де́­ние; ра́­дуй­ся, всех суему́дрых уче́­ний и ере­се́й низ­ло­же́­ние.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

Кондак 4

Бу́­рю внутрь име́я по­мыш­ле́­ний недоуме́нных, освя­ще́н­ный собо́р со псалмы́ и пе́снь­ми духо́вными а́бие притече́ ви́дети о́б­раз Твой, Неискусобра́чная. Уз­ре́в же его́ на дре́­ве ди́в­но стоя́­ща и благоле́пно красото́ю сия́юща, ре­че́: Алли­лу́иа.

Икос 4

Слы́шаша лю́­дие чест­ны́я ико́­ны Твоея́, Богоотрокови́це, прише́ствие и, ко о́ной те́кше, поклоня́хуся, а́ки Са­ме́й Те­бе́ су́­щей, и со уми­ле́­нием и сле­за́­ми вопия́ху к Те­бе́:

Ра́­дуй­ся, Де́­во, Бла­го­сло­ве́н­ная в же­на́х, во чре́­ве Тво­е́м Носи́теля вся́ческих носи́вшая; ра́­дуй­ся, рожде́нием Сы́­на Тво­его́ спа­се́­ние ми́­ру все­му́ я́вльшая.

Ра́­дуй­ся, че­ло­ве́­ки с Бо́­гом соедини́вшая; ра́­дуй­ся, пре­вы́ш­шая небе́с, из­ба́вль­шая нас от кля́т­вы.

Ра́­дуй­ся, нас к ве́чной жи́з­ни руководя́щая; ра́­дуй­ся, Вла­ды́­чи­це ми́­ра.

Ра́­дуй­ся, Бо́­жие к сме́ртным благоволе́ние; ра́­дуй­ся, сме́рт­ных к Бо́­гу дерз­но­ве́­ние.

Ра́­дуй­ся, бла­ги́х во бла́­гос­ти соблюда́ющая; ра́­дуй­ся, лу­ка́­вых на путь бла­ги́й обраща́ющая.

Ра́­дуй­ся, под сень кро́ва Тво­его́ при­бе­га́ю­щих ми́лующая; ра́­дуй­ся, упова́ющим на Тя вся по­тре́б­ная к животу́ и благоче́стию да́­рую­щая.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

Кондак 5

Я́ко боготе́чную звезду́ узре́­ша лю́­дие ико́­ну Твою́, Безневе́стная Де́­во, и, я́ко многосве́тлый свети́льник, поста́виша ю́ во святе́м собо́рнем хра́­ме, ра́дующеся и во­пию́­ще Бо́­гу: Алли­лу́иа.

Икос 5

Ви́­дев­ше жи́телие гра́­да Городца́ о́б­раз Твой, Вла­ды́­чи­це, во хра́­ме гра́­да Костромы́ стоя́щий, и на ру­ку́ Твое́ю держи́ма Богомладе́нца Иису́­са, ско́рбию одержи́ма бе́ша, зане́ от­ше́ст­вие его́ бысть из гра́­да их. Мы же, обра́довани бла­го­во­ле́­ни­ем Тво­и́м ко гра́­ду на́­ше­му, при­но́­сим Ти да́ры, и, с лю­бо́­вию ло­бы­за́ю­ще Твой свя­ты́й о́б­раз, во­пи­е́м Ти:

Ра́­дуй­ся, Звез­до́, Со́лн­це пра́в­ды нам я́вльшая; ра́­дуй­ся, возлюби́вшая сию́ стра­ну́.

Ра́­дуй­ся, об­ре́­те­ние Те­бе́ и́щу­щих; ра́­дуй­ся, ра́­дос­тию неизрече́нною ве́р­ных серд­ца́ исполня́ющая.

Ра́­дуй­ся, со­кро́­ви­ще бла­го­да́­ти не­ис­то­щи́­мое; ра́­дуй­ся, ми́­лос­ти прис­но­те­ку́­щий ис­то́ч­ни­че.

Ра́­дуй­ся, от тя́жких бед спа­са́ю­щая; ра́­дуй­ся, от смертно́сныя я́з­вы из­бав­ля́ю­щая.

Ра́­дуй­ся, всего́ ми́­ра Хо­да́­таи­це; ра́­дуй­ся, всех не­ду́­гов Цели́тельнице.

Ра́­дуй­ся, Кра­со­то́ несравне́нная; ра́­дуй­ся, Добро́то несказа́нная.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

Кондак 6

Пропове́дницы богоно́снии бы́ша ви́девшии о́б­раз Твой, Бо­го­ро́­ди­це. Возвра́щся бо ки́йждо во стра­ну́ свою́, возвеща́ше о прише́ствии его́ и чудесе́х от не­го́ бы­ва́е­мых, воспева́я Бо́­гу: Алли­лу́иа.

Икос 6

Воз­сия́в­ши бла­го­да́ть от чу́днаго о́браза Тво­его́, Чи́с­тая, ве́­ру немощству́ющих утвер­ди́, ве́р­ных же возвесели́ серд­ца́ лю­бо́­вию. Се­го́ ра́­ди ра́дующеся во­пи­е́м Ти:

Ра́­дуй­ся, Пре­свя­та́я Де́­во, све́­том Не­бе́с­ныя и́с­ти­ны нас оза­ря́ю­щая; ра́­дуй­ся, мглу грехо́вную от нас от­го­ня́ю­щая.

Ра́­дуй­ся, чу­де­сы́ Тво­и́ми к богове́дению нас приводя́щая; ра́­дуй­ся, всех ка́ю­щих­ся гре́ш­ни­ков ко благоче́стию подвиза́ющая.

Ра́­дуй­ся, всех при­те­ка́ю­щих к Те­бе́ кре́п­кое за­ступ­ле́­ние; ра́­дуй­ся, немощству́ющих умо́м утвер­жде́­ние.

Ра́­дуй­ся, изнемога́ющих в ве́­ре возставля́ющая; ра́­дуй­ся, ти́­хое при­ста́­ни­ще в мо́ре жи­те́й­стем обурева́емым.

Ра́­дуй­ся, злы́я сове́ты сыно́в поги́бельных от­кры­ва́ю­щая; ра́­дуй­ся, вознесе́нную горды́ню вра­го́в оте́чества на́­ше­го смиря́ющая.

Ра́­дуй­ся, пра­во­сла́в­ных ца­ре́й Держа́во; ра́­дуй­ся, всех хри­сти­а́н По­хва­ло́.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

Кондак 7

Хо­тя́ просла́вити Сын Твой, Бо­го­ро́­ди­це, свя­ту́ю ико́­ну Твою́ во гра́­де Костроме́, по­ве­ле́ ю́ в день Успе́­ния Тво­его́ свя­то́­му ве­ли­ко­му­́че­ни­ку Фео́дору Стратила́ту носи́ти по гра́­ду се­му́, да вси, ви́­дя­ще чу́­до сие́, благода́рным се́рд­цем возопию́т Ему́: Алли­лу́иа.

Икос 7

Чу́­до но́вое яви́ нам Гос­по́дь мольба́ми Тво­и́ми, Бо­го­ро́­ди­це, ег­да́ сгоре́вшу хра́­му, в не́м­же бе поставлен свя­ты́й о́б­раз Твой, со­хра­ни́ его́ в пе́пле невреди́ма от ог­ня́, и та́­ко мне́вших сгоре́вша его́ печа́ль в ра́­дость преложи́. Мы же, чу́­до сие́ ве́дяще, вос­пе­ва́­ем Ти та­ко­ва́я:

Ра́­дуй­ся, Купино́ Неопали́мая; ра́­дуй­ся, о́гненный сто́л­пе, су́щия во тьме на­став­ля́яй.

Ра́­дуй­ся, Киво́те, Ду́­хом позлаще́нный, Не­вме­сти́­ма­го Бо́­га вмести́вший; ра́­дуй­ся, кади́льнице злата́я, я́ко фимиа́м благоуха́нный, мо­ли́т­вы Твоя́ за ны к Бо́­гу Сы́­ну при́с­но вознося́щая.

Ра́­дуй­ся, Же́зле Ааро́нов, к явле́нию в ми́­ре Сы́­на Тво­его́ прозя́бший; ра́­дуй­ся, Руно́ Гедео́ново, бла­го­да́­тию Бо́­жиею во спа­се́­ние на́­ше ороше́нное.

Ра́­дуй­ся, Горо́ несеко́мая, от Нея́же отсече́ся краеуго́льный ка́­мень Хрис­то́с; ра́­дуй­ся, Хра́­ме оду­шев­ле́н­ный, в Не́м­же все­ли́­ся Бо­жест­во́ те­ле́с­не.

Ра́­дуй­ся, де́вст­ва охране́ние; ра́­дуй­ся, супру́жества благослове́ние.

Ра́­дуй­ся, па́­че всех Го́с­по­да возлюби́вшая; ра́­дуй­ся, па́­че всех от Не­го́ пре­воз­не­се́н­ная.

Ра́­дуй­ся, Ма́­ти Бо́­жия, Предста́тельнице и За­сту́п­ни­це на́­ша усе́рд­ная.

Кондак 8

следующая новость